Agjencia e Mbikqyrjes Policore ka ekzekutuar masën e arrestit më burg të vënë nga Gjykata e Shkallës së Parë në Shkodër për dy shtetasit, Ndue Fiku dhe Mark Fiku, babë e bir, për veprat penale, ‘Shpërdorimi i detyrës’ dhe ‘Kultivimi i bimëve narkotike’.

Ndaj Ndue dhe Mark Fiku u hap një procedim penal në vitin 2023, për kultivim kanabisi dhe për shpërdorim detyre nga babai 70-vjeçar duke qenë kryeplaku i fshatit Pepsumaj në Vaun e Dejës.

Më pas Agjencia e Mbikqyrjes Policore, bëri të mundur dokumentimin me prova ligjore të aktivitetit kriminal nga babai dhe djali 31-vjeçar dhe ekzekutoi urdhrin e prokurorit për vënien në arrest në burg për dy shtetasit.

Ndue Fiku, 70 vjeç, me detyrë Kryeplak i zonës Pepsumaj, i dyshuar për kryerjen e veprës penale të ‘Kultivimit të bimëve narkotike’ dhe ‘Shpërdorimit të detyrës’.
Mark Fiku, 31 vjeç, i dyshuar për kryerjen e veprës penale të ‘Kultivimit të bimëve narkotike’ në bashkëpunim, thuhet në njoftimin e AMP-së.