Një ngjarje e rëndë tronditi këtë të dielë qytetin e Lushnjes, kur një 82-vjeçar plagosi me armë gjahu vajzën e tij 40-vjeçare dhe më pas i dha fund jetës së tij. Fqinji i viktimës përshkroi familjen si shumë të nderuar dhe u habit nga ngjarja.
“Njerëzit më të nderuar këtu në lagje. Ne i mbajmë për më të mirët. Vajza nuk e di a jetonte me ta. Viktima kishte tre fëmijë, dy djem dhe vajza. Nuk ka pasur problem të shëndetit mendor. Vinte gjithmonë këtu tek ne. Ne u habitëm. Nuk dëgjuam as krismën. Vetëm kur erdhi ambulanca. Familje shumë e nderuar. Ata kanë 40 vite që kanë ardhur këtu”, tha fqinji i viktimës.
