Avokati i artistit të ndjerë grek, Vasilis Karras, bëri publike dje testamentin e këngëtarit të njohur, i cili ndërroi jetë në dhjetor të vitit të kaluar. Testamenti u hap rreth gjashtë muaj pas vdekjes së tij dhe përmban detaje të pasurisë së tij, e cila vlerësohet në 10 milionë euro.

Sipas mediave greke, Karras kishte vendosur që pasurinë ta trashëgonin vajza dhe bashkëshortja e tij. Sipas testamentit, 50% e pasurisë do të shkojë për gruan e tij, Christina, ndërsa 50% tjetër për vajzën e tij.

Në trashëgiminë e lënë për familjen përfshihen:
– Shtëpia private në qendër të Selanikut.
– Restoranti “Fshati i paqes”.
– Një fermë në Kokkinohor Kavala.
– Një vilë buzë detit.
– Një apartament luksoz në Athinë.
– Depozitat bankare.
– E drejta e autorit për këngët e tij për 50 vitet e ardhshme, e cila i takon gruas së tij, Christina.

Vasilis Karras, një këngëtar popullor laik grek, ishte i njohur për zërin e tij të dallueshëm. Ai vdiq pas një beteje të gjatë me kancerin në moshën 70 vjeçare, pasi ishte trajtuar në Qendrën Mjekësore Evropiane Ndërballkanike dhe së fundmi ishte infektuar me Covid-19.