Një këmbësore e moshuar është aksidentuar në hyrje të Gjirokastrës ndërsa po kalonte rrugën nga njëri krah në tjetrin. Ngjarja ka ndodhur në aksin nacional Gjirokastër-Tepelenë, në vendin e quajtur Gërhot.
Një automjet tip Opel, me targa greke AIP9377 dhe drejtuar nga një shofer me inicialet K.SH, emigrant shqiptar në Greqi, ka përplasur të moshuarën Florika K., 75 vjeç, banuese në Gjirokastër. Përplasja e ka lënë të moshuarën të lënduar rëndë, dhe ajo është transportuar menjëherë në Spitalin e Gjirokastrës për mjekim.
Policia ka shoqëruar drejtuesin e mjetit për të kryer hetimet e mëtejshme.
