Një 37-vjeçar është vënë në pranga nga policia në Lezhë pasi ushtronte dhunë ndaj bashkëshortes dhe mbante armë zjarri pa leje në banesën e tij. Operacioni për arrestimin e tij u krye nga forcat policore të Lezhës në bashkëpunim me Forcat Shqiponja.
Policia bën me dije se, në cilësinë e provës materiale, u sekuestruan një armë zjarri pistoletë dhe municion luftarak. “Shërbimet e Komisariatit të Policisë Lezhë, menjëherë pas marrjes së njoftimit për një rast dhune në familje, ku bashkëshorti ushtronte dhunë ndaj bashkëshortes dhe mbante armë zjarri pa leje, organizuan veprimet e nevojshme për të parandaluar përshkallëzimin e dhunës dhe për kapjen e autorit,” informoi policia.
Në bashkëpunim me Forcat e Posaçme “Shqiponja” të DVP Lezhë, policia realizoi arrestimin në flagrancë të shtetasit M.G., banues në Lezhë. Gjatë kontrollit në banesën e tij, u gjet dhe u sekuestrua arma e zjarrit dhe municioni luftarak, të cilët u dorëzuan si prova materiale.
Në cilësinë e provës materiale u sekuestruan 1 armë zjarri pistoletë dhe municion luftarak.
“Shërbimet e Komisariatit të Policisë Lezhë menjëherë pas njoftimit të marrë për një rast dhune në familje ku bashkëshorti dhunonte bashkëshorten dhe mbante armë zjarri pa leje, menjëherë kanë organizuar punën për parandalimin e përshkallëzimit të dhunës dhe kapjen e autorit.
Në bashkëpunim me Forcën e Posaçme “Shqiponja” të DVP Lezhë, bënë kapjen dhe arrestimin në flagrancë të shtetasit M. G., 37 vjeç, banues në Lezhë.
Në vijim të veprimeve policore për këtë rast, është kryer kontroll në banesën e shtetasit të arrestuar, ku Policia gjeti dhe sekuestroi në cilësinë e provës materiale armë zjarri pistoletë e municion luftarak”, informoi sot policia.
Materialet procedurale i kaluan Prokurorisë për veprime të mëtejshme për veprat penale “Dhuna në familje” dhe “Prodhimi dhe mbajtja pa leje e armëve luftarake dhe municionit”.
