Oficerët e Sektorit të Policisë Kufitare të Malit të Zi kanë arrestuar një 35-vjeçar, pas gjetjes së një sasie të madhe lënde narkotike. Gjatë një kontrolli rutinë në rrugën Poprati – Podgoricë, në qytetin e Deljajit, punonjësit e policisë kanë ndaluar një automjet me targa të Podgoricës, që po udhëtonte nga Shqipëria.
Automjeti drejtohej nga P.Gj., një 35-vjeçar nga Podgorica, dhe gjatë kontrollit, autoritetet kanë zbuluar katër thasë të mëdhenj me kanabis, me një peshë totale prej rreth 76 kilogramësh. Pas kësaj, është lëshuar një urdhër nga prokuroria në Podgoricë dhe P.Gj. është ndaluar për shkak të dyshimeve se ka kryer veprën penale të prodhimit, posedimit dhe shpërndarjes së paautorizuar të narkotikëve. Zyrtarët policorë po vijojnë hetimet për rastin.
