Një aksident i rëndë është shënuar gjatë orëve të natës në dalje të Fushë-Krujës, ku një 18-vjeçar ka mbetur i plagosur rëndë.
Sipas informacioneve paraprake, i riu, i identifikuar si Irdi Laci, kishte mbetur me automjetin e tij të fikur në mes të rrugës dhe po përpiqej ta ndizte, kur është përplasur nga një automjet tjetër që po qarkullonte në këtë segment rrugor.
Si pasojë e goditjes së fortë, 18-vjeçari ka pësuar dëmtime të rënda dhe është transportuar me urgjencë drejt Spitalit të Traumës në Tiranë, ku ndodhet nën kujdesin e mjekëve në gjendje kritike.
Policia ka shkuar në vendngjarje dhe ka nisur hetimet për të zbardhur rrethanat e aksidentit dhe për të përcaktuar shkaqet dhe përgjegjësitë ligjore.
