Një aksident rrugor është regjistruar në Elbasan, ku një automjet ka dalë nga rruga dhe ka përfunduar në përroin e Zaranikës.

Sipas informacioneve paraprake, personat që ndodheshin në automjet kanë shpëtuar pa lëndime serioze, duke shmangur një ngjarje me pasoja të rënda.

Në vendin e ngjarjes kanë mbërritur menjëherë shërbimet e Policisë së Shtetit, të cilat po kryejnë veprimet hetimore për të sqaruar shkaqet e daljes së automjetit nga rruga, si dhe rrethanat e plota të aksidentit.

Hetimet vijojnë për të përcaktuar nëse ngjarja është shkaktuar nga shpejtësia, kushtet e rrugës apo faktorë të tjerë.