Një aksident rrugor është regjistruar mëngjesin e sotëm në zonën e Grabian, ku një kamion është përmbysur në rrethrrotullim.

Sipas informacioneve paraprake, nga ngjarja janë shkaktuar vetëm dëme materiale, pa persona të lënduar.

Drejtuesi i mjetit ka deklaruar se ka humbur kontrollin në hyrje të rrethrrotullimit për shkak të lagështirës në rrugë, duke bërë që kamioni të rrëshqasë dhe të dalë nga korsia.

Zona ku ndodhi aksidenti njihet për një numër të lartë incidentesh rrugore, të shkaktuara kryesisht nga kushtet e rrugës dhe mungesa e kujdesit në qarkullim.