Një aksident i rëndë rrugor është shënuar mbrëmjen e 25 prillit 2026, rreth orës 23:20, në aksin Librazhd–Elbasan, në afërsi të fshatit Labinot.

Sipas të dhënave paraprake, një motomjet i drejtuar nga shtetasi A. K., 45 vjeç, ka dalë nga rruga në rrethana ende të paqarta. Drejtuesi i mjetit është transportuar me urgjencë drejt spitalit, por nuk ka mundur t’u mbijetojë plagëve të marra.

Në motomjet ndodhej edhe bashkëshortja e tij, shtetasja F. K., e cila ka pësuar dëmtime të lehta dhe ndodhet jashtë rrezikut për jetën.

Në vendngjarje ka mbërritur grupi hetimor, i cili po punon për të zbardhur shkaqet dhe dinamikën e aksidentit. Hetimet vijojnë.