Ezio Maria Simonelli ka reaguar pas zhvillimeve dhe hetimeve të hapura që kanë përfshirë figurën e Gianluca Rocchi, duke bërë thirrje për kujdes dhe respektim të procesit hetimor.

Në një deklaratë zyrtare, presidenti i Lega Serie A theksoi se deri në përfundim të hetimeve bëhet fjalë vetëm për akuza dhe jo për fakte të provuara. “Gjykimet e nxituara apo përfundimet e çdo lloji janë të pavenda,” u shpreh ai.

Simonelli nënvizoi se organet sportive përkatëse, përfshirë Prokurorinë e FIGC dhe atë të CONI, janë vënë menjëherë në lëvizje dhe po ndjekin zhvillimet. Sipas tij, drejtësia duhet të bëjë punën e saj pa u ndikuar nga presioni mediatik.

Ai shtoi se kredibiliteti i kampionatit nuk duhet të vihet në dyshim nga zhvillime ende të paqarta, duke theksuar nevojën për transparencë dhe barazi trajtimi në të gjithë sistemin e futbollit italian.

“Nëse dikush ka gabuar, do të mbajë përgjegjësi. Por nuk mund të lejojmë që të dëmtohet reputacioni i të gjithë sistemit,” përfundoi Simonelli.