Andrew Tate dhe vëllai i tij Tristan janë paraqitur në një gjykatë federale në Miami, ku kanë nisur procedurat ligjore për kërkesën e ekstradimit të tyre drejt Mbretërisë së Bashkuar.

Dy vëllezërit përballen me akuza të reja në Britani, përfshirë pretendime për përdhunim dhe trafikim seksual, akuza të cilat ata i kanë mohuar vazhdimisht, duke deklaruar se janë të pafajshëm.

Gjatë seancës së parë gjyqësore, Andrew dhe Tristan Tate u shfaqën të veshur me uniforma burgu, të prangosur dhe të shoqëruar nga autoritetet. Ata folën vetëm për të konfirmuar se kuptonin të drejtat e tyre ligjore.

Avokati i tyre, Joe McBride, bëri të ditur se dy vëllezërit do ta kundërshtojnë kërkesën për ekstradim, duke i cilësuar akuzat si të pabazuara.

Sipas autoriteteve britanike, hetimi lidhet me ngjarje të dyshuara që datojnë nga periudha 2010–2017. Në total, ndaj vëllezërve Tate rëndojnë 59 akuza, ndërsa numri i viktimave të pretenduara raportohet të jetë shtatë.

Seanca e radhës gjyqësore është caktuar më 27 korrik, ndërsa vendimi për ekstradimin do të merret nga autoritetet përkatëse amerikane pas shqyrtimit të kërkesës.