19.5 C
Tiranë
Saturday, May 18, 2024
spot_img

Arrestohen autoret e dyshuar për vjedhjen e 110,000 lekëve në një biznes në Librazhd

Operacioni policor “Volareka”, realizuar si pjesë e planit operacional “Sundimi i ligjit”, rezultoi në arrestimin e dy autorëve të dyshuar, E.D. dhe E.P., të cilët u lokalizuan dhe u arrestuan në Belsh. G.Ll., një person tjetër i dyshuar, është shpallur në kërkim.

Dyshohet se ata kanë kryer një vjedhje në një biznes në Librazhd, ku kanë arritur të marrin 110,000 lekë, dhe pastaj janë larguar me një automjet të marrë me qira.

Si rezultat i veprimeve intensive hetimore, të kryera në kuadër të planit operacional “Sundimi i ligjit”, si dhe me mbështetjen e informacioneve nga inteligjenca policore, brenda disa orësh, u organizua dhe u finalizua operacioni policor i koduar “Volareka”. Gjatë operacionit u bë i mundur identifikimi i 2 autorëve të dyshuar dhe si rezultat i mirëkoordinimit të punës me shërbimet e Stacionit të Policisë Belsh u bë lokalizimi në Belsh dhe arrestimi i tyre, konkretisht i shtetasve: E. D., 22 vjeç dhe E. P., 40 vjeç, të dy banues në Kamëz.

Gjithashtu, për këtë rast u shpall në kërkim shtetasi G. Ll., 26 vjeç, banues në Lezhë, pasi dyshohet i përfshirë në vjedhjen e parave.

Nga veprimet hetimore dyshohet se këta shtetas, në bashkëpunim me njëri-tjetrin, dje, rreth orës 10:45, kanë vjedhur 110 000 lekë, në biznesin e shtetasit A. S., 58 vjeç dhe më pas janë larguar me një automjet tip “Seat” të marrë me qira.’, thuhet në njoftimin e policisë.

Gjatë kontrollit fizik shtetasve të arrestuar iu gjet shuma e parave të vjedhura, 110 000 lekë të rinj.

Nga veprimet hetimore sipas policisë rezulton se E.D., ka vjedhur një shumë parash edhe në biznesin e N.G., 59 në fshatin Dragostunjë në Librazhd. Materialet proceduriale i janë kaluar Prokurorisë.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT