36.5 C
Tiranë
Saturday, June 22, 2024
spot_img

ASHK e pushtuar nga sars-cov2

Siç u bë e ditur sot Drejtori i përgjithshëm i Kadastrës Shtetërore, Artan Lame është konfirmuar pozitiv me covid-19. Burime të besuara, nga Drejtoria e Përgjithshme e ASHK kanë konfirmuar për opennews.al se nuk është vetëm Drejtori i Përgjithshëm cili ka rezultuar pozitiv, por edhe disa punonjës të këtij institucioni, megjithëse institucioni vijon të jetë i hapur, në kundështim me Aktin Normativ dhe pa respektuar rregullat e miratuara nga Ministria e Shëndetësisë.

Por historia e covid-19 në ASHK nuk mbaron këtu. Ditën e hënë, është lajmëruar nga Drejtoria e Shëndetit Publik Vlorë se Përgjegjësja e Arkivit të Drejtorisë së ASHK Vlorë, R.M, është konfirmuar covid positiv.
Pasi është intervistuar zonja, në kuadër të hetimit epidemiologjik, është bërë tamponi për disa punonjës të ASHK Vlorë. Drejtoria e Shëndetit Publik ka caktuar masën e vetëkarantinimit 14 ditor për dy prej tyre.

Sjellim në vëmendje se ASHK Vlorë ka staf prej 85 personash, një pjesë e tyre ofrojnë shërbime në sportel ku paraqiten qytetarët për probleme të ndryshme dhe disa të tjerë kryejnë verifikime në terren, nëpër shtëpitë e qytetarëve që kanë deklaruar objekte pa leje për legalizim, kryhet procesi i përmirësim-përditësimit etj. Ndërkohë që tamponi është bërë vetëm për 7 punonjës, pasi ka rezultuar positive Përgjegjësja e Arkivit të kësaj drejtorie.
Mbi këto fakte janë në dijeni të plotë autoritetet e shëndetit publik në Vlorë dhe Drejtoria e Përgjithshme e ASHK, duke treguar papërgjegjshmëri të plotë ndaj jetës dhe shëndetit të punonjësve dhe qytetarëve.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT