Ish-banorja e Big Brother VIP Albania, Edisa Demollari, ka folur për jetën e saj personale dhe sfidat që ka kaluar në një intervistë në emisionin “S’e Luan Topi”.

Gjatë bisedës, ajo është ndalur te presioni që ka ndjerë për moshën dhe statusin familjar, duke thënë se shpesh është gjykuar padrejtësisht nga opinioni publik.

Demollari ka treguar edhe një periudhë të vështirë në jetën e saj private, duke rrëfyer dëshirën e madhe për t’u bërë nënë. “E kemi dashur shumë një fëmijë, por nuk ndodhi,” është shprehur ajo, duke shtuar se kjo situatë ka sjellë vështirësi edhe në marrëdhënien e saj të mëparshme, e cila përfundoi në ndarje.

Ajo ka folur me emocione për pritjet dhe zhgënjimet e përjetuara gjatë asaj periudhe, duke theksuar se disa gjëra në jetë nuk varen vetëm nga dëshira e njeriut.

Në fund, Demollari ka nënvizuar se përvoja të tilla e kanë forcuar dhe e kanë bërë më të vetëdijshme për rrugët e jetës dhe sfidat personale.