Sali Berisha ka kritikuar ashpër Samiti i Diasporës, duke e cilësuar si një “fasadë të radhës” të mazhorancës dhe të organizuar për qëllime politike nga kryeministri Edi Rama.

Sipas tij, organizimi i këtij samiti është i pajustifikuar dhe shërben për propagandë politike, ndërsa ai ka përdorur gjuhë të ashpër ndaj kreut të qeverisë, të cilin e ka quajtur “armik i shqiptarëve”.

Berisha ka hedhur akuza edhe ndaj marrëdhënieve rajonale, duke pretenduar se Rama dhe presidenti serb Aleksandar Vuçiç kanë ndikuar në mosheqjen e vizave për Kosovën nga Bashkimi Evropian.

Duke u ndalur te reforma në drejtësi, ai ka deklaruar se sistemi aktual ndikohet nga qeveria, duke e akuzuar ekzekutivin për kontroll politik mbi institucionet e drejtësisë.

Në deklaratën e tij, Berisha ka kritikuar gjithashtu situatën ekonomike, duke përmendur taksën e karburantit si një barrë për qytetarët, ndërsa ka paralajmëruar se protesta e 17 prillit do të ketë një karakter të ndryshëm nga ato të mëparshmet.