Aplikacioni i njohur i mesazheve WhatsApp u ndërpre për disa përdorues anembanë globit në mbrëmjen e sotme. Përdoruesit që përpiqeshin të identifikoheshin në aplikacionin ose në ueb WhatsApp u përballën me pamundësinë për të dërguar SMS, pasi shërbimi aktualisht nuk është i disponueshëm.

Megjithatë, ende nuk ka një reagim zyrtar nga kompania Meta, e cila është pronare e WhatsApp, në lidhje me problemet e raportuara. Situata ka shkaktuar zhgënjim dhe padurim te përdoruesit, të cilët presin një përgjigje zyrtare nga kompania për të zgjidhur problemin.