Modelja Endi Demneri dhe Krenar Çoçaj kanë organizuar së fundmi një “gender reveal” në Sarandë, ku është zbuluar edhe gjinia e fëmijës që presin.

Çifti është në pritje të një djali, duke i dhënë fund edhe spekulimeve që kishin qarkulluar prej kohësh në media dhe rrjete sociale për shtatzëninë dhe identitetin e babait të fëmijës, i cili tashmë konfirmohet se është Krenar Çoçaj.

Romanca mes tyre ishte përfolur që verën e kaluar, pas publikimit të disa fotove nga Ibiza, ku dyshja shfaqej në momente të afërta, duke nxitur dyshime për një lidhje.

As Demneri dhe as Çoçaj nuk kanë bërë ende një deklaratë publike për këtë fazë të re të jetës së tyre private.

Kujtojmë se emri i Krenarit më herët është lidhur me një marrëdhënie disa-vjeçare me moderatoren Luana Vjollca, e cila përfundoi më parë mes raportimeve të ndryshme në media.