Një 60-vjeçar nga Tropoja ka përfunduar në spital pasi dyshohet se është dhunuar nga fqinjët e tij, me të cilët kishte konflikte të mëparshme.

Sipas informacioneve paraprake, bëhet fjalë për Man Nezën, i cili pas incidentit është transportuar në Spitalin e Kukësit për të marrë ndihmën mjekësore.

Paraprakisht dyshohet se dhuna është ushtruar nga fqinjët, ndërsa mësohet se mes palëve ka pasur edhe më herët mosmarrëveshje dhe konflikte.

Nga ana tjetër, 60-vjeçari ka ngritur akuza ndaj Policisë së Tropojës, duke pretenduar se nuk ka reaguar në kohë për të parandaluar ngjarjen.

Ndërkohë, autoritetet pritet të zbardhin rrethanat e plota të incidentit dhe të sqarojnë shkaqet që çuan në përshkallëzimin e konfliktit.