Një ngjarje e tmerrshme e ndodhur disa ditë më parë në qytetin e Vlorës është bërë shkas për të tronditur opinionin publik në Shqipëri. Një vajzë e re, vetëm 26-vjeçe, u viktimë e një rasti të përdhunimit nga disa të rinj. Gjatë ngjarjes, kriminelët ishin në gjendje të dehur prej alkoolit dhe kokainës.
26-vjeçarja nuk mundi të heshti dhe denoncoi ngjarjen e tmerrshme tek autoritetet. Megjithatë, pas denoncimit, ajo u përball me kërcënime të rënda, jo vetëm nga përdhunuesit, por edhe nga anëtarët e familjeve të tyre. Kjo ngjarje e tmerrshme ka shkaktuar shumë debat dhe tronditje në opinionin publik shqiptar dhe rëndëson nevojën për luftimin e dhunës dhe për të mbështetur viktimat e saj.
“Kam vendosur të dal sonte këtu pa fytyrë për shkak të opinionit të njerëzve, por jo se kam bërë faj. Çfarë ka ndodhur e kam treguar aq sa kam qenë e vetëdijshme, nuk gënjej sepse akoma e kam para syve çdo gjë. U zgjova në spital dhe nuk pashë nënën time, por nënën e dikujt tjetër. Edhe pse isha e përgjumur, nuk më pyeti se si jam, por më tha tërhiq çdo gjë që ke thënë. Normal që kam frikë, sepse e di që ata kanë njohje, kanë lekë dhe njohin njerëz, ndërsa unë vij nga një familje e thjeshtë që jeton në fshat. Por nuk do ta shkelin kurrë dinjitetin tim, siç u munduan të ma shkelin, do vazhdoj të tregoj të vërtetën, kokën do ta mbaj lart edhe për ata që më shajnë, edhe për ata që më kërcënojnë. Prandaj do të bërtas për të vërtetën time. Përdhunuesit të marrin atë që meritojnë, dhe unë atë që meritoj. Këto ditë kam marrë me mijëra mesazhe mbështetjeje nga njerëz që nuk i njoh, ju falenderoj”.
