Në dëshminë e tij në polici, Princi Leka ka treguar se gjatë një momenti ku po përqafonte vajzën e tij të vogël, Geraldina Zogu, 3 vjeçe, ai u konfrontua me fjalë fyese dhe kërcënuese nga Gjergj Zaharia, gjyshi i vajzës nga ana e ish-bashkëshortes së tij. Princi Leka tha se Gjergj Zaharia i tha atij se duhet të ndërrojë rrugën kur ta shikonte atë.

“Unë jam ngjitur sipër së bashku me Sylën edhe kam gjetur vajzën time të vogël Geraldina Zogu e moshes 3 vjeç e cila ka qenë në shoqërinë e gjyshit të saj babit të ish bashkëshortes të shtetasit Gjergj Zaharia. Në këtë moment unë kam përqafuar vajzën time edhe shtetasi Gjergj Zaharia ka filluar me fjalë fyese e kërcënuese në drejtimin tim duke më thënë ti duhet të ndërrosh rrugën kur të më shikosh mua”