Ish-konkurrentja e “Ferma VIP”, Ermiona Lekbello, ka reaguar pas tërheqjes së saj nga gara, duke pranuar se vendimi i largimit ka ardhur me emocione dhe më pas me pendesë.

E ftuar në “Ferma Club”, ajo tregoi se nuk është ndjerë rehat me atmosferën brenda shtëpisë dhe se kjo e ka çuar drejt vendimit për t’u larguar.

Megjithatë, Lekbello u shfaq e emocionuar, duke pranuar se reagimi i publikut e ka surprizuar dhe e ka bërë të rishikojë vendimin e saj.

“Nuk e mendoja që do të kishte kaq shumë njerëz që më mbështesnin,” u shpreh ajo, duke shtuar se ka kaluar orë duke lexuar mesazhet në rrjetet sociale.

Sipas saj, pikërisht mbështetja e publikut është arsyeja kryesore e pendesës, ndërsa la të hapur mundësinë për t’u rikthyer në spektakël si mbështetëse e konkurrentëve të saj të preferuar.