Autoritetet në Berlin kanë fajësuar Rusinë për një seri sulmesh kibernetike që kanë shënjestruar platformën e mesazheve Signal, e përdorur nga politikanë, diplomatë, ushtarakë dhe gazetarë në Gjermani.

Sipas burimeve qeveritare gjermane, sulmet janë zhvilluar që prej muajit shkurt përmes skemave “phishing”, ku përdoruesit janë mashtruar për të dhënë akses në llogaritë e tyre. Vlerësimet paraprake tregojnë se pas operacionit mund të qëndrojë shteti rus ose struktura të lidhura me të.

Raportohet se rreth 300 persona janë prekur nga këto sulme, përfshirë edhe figura të larta politike si presidentja e Bundestagut, Julia Klöckner, ndërsa ka dyshime se mund të jetë komprometuar edhe telefoni i kancelarit Friedrich Merz.

Autoritetet gjermane po vijojnë hetimet për të përcaktuar shkallën e plotë të ndërhyrjes dhe dëmet e shkaktuara në sistemet e komunikimit.