Kreu i grupit parlamentar të Partia Demokratike, Gazment Bardhi, i ka kërkuar kryeparlamentarit Niko Peleshi që të thërrasë në seancë plenare kryeministrin Edi Rama për të raportuar mbi procesin e integrimit dhe raportin përkatës.

Nga foltorja e Kuvendit, Bardhi kritikoi mungesën e Ramës në seancat parlamentare, duke deklaruar se kreu i qeverisë shmang llogaridhënien.

“Duhet të ishte kryeministri në Kuvend që të raportonte për raportin. Ne kemi dhe një ministër në këtë vend, që duhet të japë llogari. Përgjegjësia nuk jepet me korrespondencë”, u shpreh Bardhi.

Ai shtoi se Rama ka qenë i pranishëm shumë rrallë në Kuvend që prej nisjes së sesionit parlamentar.

“Nuk ndodh në asnjë vend të botës që kryeministri të vijë në Kuvend! Që nga nisja e seancave ka ardhur vetëm 2 herë. Është kryeministër karton”, deklaroi kreu i grupit parlamentar demokrat.

Bardhi akuzoi kryeministrin se është paraqitur në Kuvend vetëm për çështje që lidhen me votime të rëndësishme politike.

“Ka ardhur vetëm kur do votonte për Belinda Balluku. Erdhi dhe kur i duheshin Taulant Balla votat për shtetësinë”, tha ai.