Deputeti i Partia Mundësia, Erald Kapri, ka kërkuar që kryeministri Edi Rama të jetë i pranishëm në seancën plenare të Kuvendit, ku ishte parashikuar një interpelancë me të.

Nga foltorja e Parlamentit, Kapri u shpreh se prania e kreut të qeverisë është një detyrim kushtetues dhe kritikoi mungesat e vazhdueshme të Ramës në seancat e pyetje-përgjigjeve.

“Prania e Ramës në sallë është detyrim kushtetues. Edhe në Rregullore kemi parashikuar një seancë pyetje-përgjigje me kryeministrin që nuk ka ndodhur kurrë, pasi ai nuk vjen të japë llogari”, deklaroi Kapri.

Ai komentoi edhe procesin e integrimit europian, duke përmendur kriteret e Kopenhagen dhe duke akuzuar Ramën se ka një qasje të ndryshme për anëtarësimin në Bashkimi Europian.

“Nëse në draft-rezolutë thuhet të mbështesim kriteret e Kopenhagenit, Rama mendon ndryshe bashkë me Vuçiçin, pretendon të hyjmë në BE jo me të drejta të plota”, u shpreh deputeti.

Në fund, Kapri theksoi se mungesa e kryeministrit në Kuvend nuk tregon forcë politike, por dobësi.

“Mungesa e tij në Parlament tregon dobësinë e tij, jo forcë”, përfundoi ai.