Festivali i RTSH, që pritet të nisë së shpejti, ka hasur vështirësitë e para lidhur me moderatorët. Burime për “Pamfleti” bëjnë me dije se anëtarët e Këshillit Drejtues të RTSH kërkojnë që prezantimi të mbahet nga Flori Gjini dhe Fjodora Fjora, të cilët janë pjesë e organikës dhe si rrjedhojë nuk do të kërkonin shumë pagesë, duke marrë parasysh situatën financiare të vështirë të institucionit.

Megjithatë, ky propozim ka hasur në kundërshtinë e bordit drejtues të Festivalit. Drejtoresha, Elhaida Dani, preferon që në skenë të jetë Salsano Rrapi, i cili ka marrë edhe lejen e nevojshme nga TCH, media ku punon.

Për moderimin krah tij, fillimisht u mendua Jondia Shehu, por duke qenë se festivali synon një “erë rinie”, u propozua Arilena Ara. Sipas burimeve, bukuroshja mund të kërkojë një shumë të lartë, që mund të jetë e vështirë për televizionin publik, i cili ka shpallur falimentin kohët e fundit.

Vendimi përfundimtar ende nuk është marrë dhe pritet të shpallet në ditët në vijim.