Brenda 24 orëve, Policia e Tiranës ka finalizuar dy operacione për zbardhjen e një vjedhjeje dhe të një tentative vjedhjeje në territorin e Komisariateve Nr. 2 dhe Nr. 5.

Gjatë operacioneve u lokalizuan dhe u vunë në pranga 5 shtetas, ndërsa tre të tjerë janë shpallur në kërkim.

Sipas njoftimit zyrtar, veprimet hetimore u kryen menjëherë pas kallëzimeve të administratorëve të subjekteve të prekur, të cilët raportuan vjedhjen ose tentativën e vjedhjes së pronës dhe pasurisë së tyre. Operacionet ishin pjesë e punës së përditshme të Drejtorisë Vendore të Policisë Tiranë për goditjen e veprimtarive kriminale në këtë fushë.