Detaje të reja kanë dalë nga atentati i ndodhur në Kurbin, ku mbeti i vrarë 40-vjeçari Ilir Lika. Burime paraprake bëjnë me dije se është identifikuar autori i dyshuar i ngjarjes, i cili tashmë është shpallur në kërkim nga autoritetet.

Sipas të dhënave të hetimit, Ilir Lika u qëllua me armë zjarri pranë hyrjes së pallatit ku banonte, menjëherë pasi kishte zbritur nga automjeti i tij. Dyshohet se ndaj tij janë qëlluar shtatë plumba, duke i shkaktuar plagë të rënda.Pas atentatit, autorët u larguan me shpejtësi nga vendi i ngjarjes, ndërsa 40-vjeçari u transportua drejt Spitalit të Laçit, ku fatkeqësisht nuk mundi t’u mbijetojë plagëve të marra.

Viktima, me origjinë nga Miloti dhe banues në Laç, ishte i njohur me disa mbiemra, ndërsa e kaluara e tij po verifikohet nga grupi hetimor.