Romanca mes Adioni dhe Ola duket se ka marrë një kthesë të re edhe jashtë kamerave të “Ferma VIP”, duke rikthyer vëmendjen e publikut dhe komente të shumta në rrjete sociale.

Së fundmi, Adioni ka publikuar në Instagram një seri fotosh ku shfaqet krah Olës në Malësinë e Madhe, vendlindja e familjes së saj. Në imazhe, çifti shfaqet i afërt dhe i buzëqeshur, çka ka shtuar kuriozitetin e ndjekësve për ecurinë e marrëdhënies së tyre.

Vëmendje të veçantë ka marrë edhe një foto bardhezi, ku Adioni shihet duke përqafuar një burrë më të moshuar, që dyshohet të jetë familjar i Olës. Ky detaj ka ndezur menjëherë spekulime në rrjet, me ndjekës që aludojnë se vizita mund të ketë shkuar përtej një takimi miqësor.

Në komente, shumë përdorues kanë ngritur pyetjen nëse bëhet fjalë për një hap më serioz në raportin e tyre, duke përmendur edhe mundësinë e një “njohjeje me familjen”.

Historia e çiftit ishte një nga më të komentuarat gjatë qëndrimit në reality show, sidomos pas kundërshtimeve publike të familjarëve të Olës në atë periudhë. Megjithatë, pamjet e fundit tregojnë një ndryshim të dukshëm në raportet mes tyre.

Jashtë kamerave, duket se marrëdhënia mes dy ish-banoreve po vijon më e qetë, ndërsa postimet e fundit kanë lënë të kuptohet se çifti po e jeton lidhjen pa tensionet e ekranit.