Big Brother VIP Kosova vijon të prodhojë tensione jo vetëm brenda shtëpisë, por edhe jashtë ekranit. Një deklaratë e fundit e ish-banorës së sezonit të kaluar, Gresa Gashi, ka shkaktuar reagime të shumta në rrjetet sociale.

Përmes një postimi në Instagram, Gresa shkroi:
“O.G, me pas fuqi ta kisha ndalu me hi në Kosovë.”

Edhe pse nuk përmendi drejtpërdrejt emra, inicialet “O.G” konsiderohen si referencë ndaj opinionistes Olta Gixhari. Postimi u përhap shpejt dhe ngjalli debat të gjerë mes ndjekësve të formatit.

Deklarata e ish-banorës erdhi gjatë transmetimit të Prime-it, në momentet kur po diskutohej rrëfimi emocional i banores aktuale, Sasa. Burimet pranë diskutimeve sugjerojnë se Gresa e ka konsideruar reagimin e opinionistes si të tepruar, duke zgjedhur një formë të drejtpërdrejtë për të shprehur pakënaqësinë e saj.

Derimë tani, Olta Gixhari nuk ka reaguar publikisht, ndërsa publiku mbetet i ndarë mes atyre që e mbështesin reagimin e Gresës dhe atyre që e konsiderojnë deklaratën e tepruar.