Shoqëria “IdentiTek” e prodhimit të dokumenteve të identitetit ka njoftuar se më 31 dhjetor, një ditë e martë, nuk do të pranohen aplikime për pasaporta nga shtetasit. Ky proces do të pezullohet për shkak të kryerjes së inventarëve vjetorë në të gjitha zyrat e IdentiTek.

Për këtë ditë, shpërndarja e dokumenteve të prodhuara do të realizohet nga ora 08:00 deri në 10:00 të mëngjesit, ndërsa pas këtij intervali, punonjësit e zyrave do të angazhohen në realizimin e inventarit fizik dhe elektronik të dokumenteve.

Shoqëria ka theksuar se shtetasit që mund të kenë urgjenca aplikimi duhet të shmangin pritjen deri në fund të vitit, për të siguruar kohën e nevojshme për aplikim.