Kreu i Grupit Parlamentar të Partia Socialiste, Taulant Balla, ka deklaruar në Kuvend se rezoluta për procesin e integrimit europian është miratuar me konsensus të plotë në Komisionin për Europën dhe Punët e Jashtme.

Sipas tij, dokumenti është produkt i pesë orësh diskutimesh mes mazhorancës dhe opozitës dhe përfaqëson një nga aktet më të rëndësishme të miratuara ndonjëherë nga ky komision.

Balla sqaroi se debati në seancë lidhet me nenin 103/1 të Rregullores së Kuvendit, i cili parashikon që në përfundim të diskutimeve të miratohet rezoluta përkatëse.

Ai kërkoi që fillimisht të prezantohet dokumenti i dakordësuar në komision dhe më pas të vijojë debati parlamentar mbi të.

Në fjalën e tij, Balla falënderoi edhe përfaqësuesit e opozitës për bashkëpunimin gjatë procesit të diskutimeve dhe bëri thirrje që konsensusi i arritur të ruhet edhe gjatë votimit në seancë plenare.