Italia është përballur sot me një valë të re moti të keq, ku stuhitë e forta të shiut, breshëri dhe erërat e fuqishme kanë shkaktuar probleme të shumta në disa rajone të vendit. Situata më e rënduar është raportuar në zonën e Toskanës, veçanërisht në Versilia, ku guvernatori Eugenio Giani ka njoftuar se rajoni është goditur nga një stuhi e fortë shiu dhe breshëri, me erëra që kanë arritur deri në 108 km/h.

“Një trazirë intensive po kalon nëpër zonat e Versilia,” shkruan guvernatori Giani në mediat sociale, duke përshkruar stuhinë e fuqishme të breshërit dhe erërat që kanë arritur deri në 107 km/h në Forte dei Marmi, përpara se të përparojnë drejt zonave të brendshme.

Në të njëjtën kohë, situata ka qenë mjaft kritike edhe në Veronë, ku erërat e forta dhe reshjet e dendura të shiut dhe breshërit kanë shkaktuar dëme të konsiderueshme. Një tornado goditi Monteçhia Crosara, duke shkatërruar pjesërisht sallën e sportit dhe duke rrëzuar disa pemë, duke shkaktuar dëme të mëdha.

Erërat e forta kanë çuar gjithashtu në rrëzimin e tjegullave nga çatitë, duke rrezikuar jetën e qytetarëve në zonat e prekura. Autoritetet lokale janë në gatishmëri për të menaxhuar situatën dhe për të ndihmuar banorët.

Sipas parashikimeve, kjo stuhi pritet të prekë edhe Shqipërinë gjatë ditës së nesërme, duke sjellë me vete një ulje të ndjeshme të temperaturave në të gjithë territorin. Autoritetet kanë këshilluar qytetarët të jenë të kujdesshëm dhe të marrin masat e nevojshme për t’u mbrojtur nga kushtet e motit të keq.