Inida Gjata, e njohur si Zhaku, ka rrëfyer për herë të parë në “Ferma VIP” se ndodhet në prag divorci pas një martese 15-vjeçare, duke thënë se marrëdhënia nuk funksiononte më dhe se zgjedhja për t’u ndarë ishte e pashmangshme.

“Unë vetëm jam rehat fare. Do bëj ndarjen e kujdestarisë dhe të gjitha, rregullohen me gjyq. Çe dua të rri në një martesë që nuk funksionon? Nuk dua të martohem më. Martesa është gabim, jam veshur me të zeza atë ditë,” u shpreh ajo gjatë bisedës në oborr me banoret e tjera.

Zhaku shtoi se pas një periudhe të gjatë marrëdhënieje, ka vendosur të fokusohet te jeta e saj personale dhe mirëqenia emocionale, duke theksuar se ndihet më e qetë vetëm.

“15 vjet kanë qenë të larmishme,” tha ajo, duke reflektuar mbi martesën e saj të gjatë.

Ajo foli gjithashtu për djalin e saj 4-vjeçar, duke treguar se ai është në spektrin autik, por ka bërë përparime të dukshme në zhvillim.

“Djalin e kam 4 vjeç, është autik. Ka bërë shumë përparime. Tani ka filluar flet nga pak. Është gjeni. Ka mësuar numrat në shqip e anglisht. Ka inteligjencë emocionale dhe kur kemi pasur një problem në shtëpi, mënyra se si më shikonte dhe më prekte faqet… ishte në një mënyrë tjetër,” u shpreh ajo me emocione.

Rrëfimi i Zhakut ka tërhequr vëmendje të madhe në rrjet, duke u bërë një nga momentet më të komentuara të spektaklit.