Pas negociatave që zgjatën rreth 6 orë me forcat e RENEA-s në Orosh të Fushë-Arrëzit, Julian Çumrraku dhe Arben Uka janë vetëdorëzuar, duke i dhënë fund qëndrimit të tyre të ngujuar.

Operacioni antiterror, i cili përfshiu forca të specializuara, mbetet ende aktiv, ndërsa policia po siguron perimetrin dhe po kryen kontrolle të hollësishme për eksploziv dhe municione në banesën e braktisur ku dy të dyshuarit ishin fshehur.

Sipas informacionit të autoriteteve, Arben Uka, i njohur edhe si Hamza Uka, ka shërbyer më parë si komandant në Ushtrinë Shqiptare, ndërsa të dyshuarit dyshohet se kanë qenë më parë në Siri dhe kanë lidhje me organizata terroriste.

Autoritetet kanë publikuar edhe fotot e dy të dyshuarve, ndërkohë që operacioni vijon për të garantuar sigurinë në zonë përpara shpalljes së tij përfundimtare.