Një tjetër zhvillim i papritur ka ndodhur në Ferma VIP 3, ku këngëtari Khuba ka vendosur të ndërpresë rrugëtimin e tij në këtë format.

Vendimi është marrë disa ditë më parë dhe i është komunikuar Agait, ku artisti ka shpjeguar arsyet personale që e çuan drejt largimit nga gara. “Më mungon privatësia dhe qetësia. Kjo ishte një sfidë për veten. Jam i lumtur që do të iki në shtëpi”, është shprehur ai.

Në një komunikim të drejtpërdrejtë me moderatoren Arbana Osmani, Khuba ka pranuar se eksperienca rezultoi më e vështirë nga sa e kishte parashikuar fillimisht.

Pavarësisht largimit, ai ka shprehur mirënjohje për banorët e tjerë, duke veçuar raportin e afërt me Malborën, me të cilën kishte krijuar një lidhje më të ngushtë gjatë qëndrimit në fermë.