E ftuar në emisionin Ferma Club, ish-konkurrentja Malbora Grura ka folur hapur për marrëdhënien mes Indri dhe Vanesa, duke deklaruar se nuk beson aspak në sinqeritetin e çiftit.

Teksa sqaroi edhe njëherë raportin që ka pasur me Indrin, Malbora u shpreh se lidhja e tij me Vanesën nuk i duket reale.

“Unë nuk besoj te marrëdhënia e tyre. Kjo lidhje për mua nuk ekziston fare. Kur e njeh dikë, e di si sillet ai në momente të ndryshme”, deklaroi ajo.

Sipas ish-fermeres, sjellja e Indrit gjatë kohës që po afrohej me Vanesën nuk përputhej me atë të një personi të përfshirë seriozisht në një marrëdhënie.

“Ndërkohë që ishte në biseda me të, bënte plane për fundjava me pjesëmarrëse të tjera të fermës në provincat e Shkodrës. Do merrnin edhe dy shishe verë me vete”, u shpreh Malbora Grura.

Deklaratat e saj kanë ndezur menjëherë debat në rrjet, ndërsa mbetet për t’u parë nëse Indri apo Vanesa do të reagojnë pas akuzave të bëra publikisht.