Brukseli thekson se miratimi i ligjit për barazinë gjinore nga Parlamenti Shqiptar është hap thelbësor drejt përputhjes me standardet evropiane dhe nuk ka të bëjë me “agjenda personale”.
Komisioni Evropian reagoi zyrtarisht pas deklaratës së kreut të Partisë Demokratike, Sali Berisha, i cili akuzoi ambasadorin e BE-së se po “imponon bindjet e tij personale” mbi projektligjin për barazinë gjinore.
Brukseli theksoi se barazia gjinore dhe mosdiskriminimi janë pjesë përbërëse e ligjit të BE-së, duke i cilësuar ato si vlera dhe të drejta themelore të Bashkimit Evropian.
“Ne mirëpresim miratimin e ligjit për Barazinë Gjinore nga Parlamenti Shqiptar mbrëmë,” u shpreh Komisioni Evropian, duke theksuar se përputhja me acquis të BE-së është një hap kyç në procesin e anëtarësimit dhe nuk lidhet me agjenda personale apo politike.
Deklarata e Komisionit vjen pas rekomandimeve të përfshira në Raportin Vjetor të Komisionit për Shqipërinë 2025, i cili i kërkoi vendit të sigurojë një nivel të lartë ambicieje dhe përputhshmërie me standardet evropiane.
Komisionerja Vera Kos, në postimin e saj në rrjetet sociale, theksoi gjithashtu rëndësinë e ligjit dhe përkushtimin e Shqipërisë për të zbatuar reformat kyçe që çojnë drejt integrimit evropian.
