Kreshnik Mujeci, i cili humbi jetën sot së bashku me bashkëshorten e tij në atentatin e ndodhur në Lezhë, ka qenë më parë i përfshirë në një proces gjyqësor për një ngjarje të rëndë kriminale.
Në vitin 2017, ai dhe vëllai i tij u arrestuan në lidhje me vrasjen e Genc Mhillit, ngjarje e ndodhur në vitin 2016. Megjithatë, më 27 nëntor 2018, Gjykata e Shkallës së Parë në Shkodër i shpalli të pafajshëm të dy, duke argumentuar mungesë provash.
Më pas, më 6 nëntor 2019, Gjykata e Apelit Shkodër nuk pranoi ankimin e prokurorisë ndaj këtij vendimi, duke lënë në fuqi pafajësinë.
Ndërkohë, më 31 tetor 2024, Gjykata e Lartë vendosi rikthimin e çështjes për rigjykim, duke e rihapur procesin gjyqësor.
Mujeci u ekzekutua sot në një atentat me armë zjarri në Lezhë, së bashku me bashkëshorten e tij, në rrethana ende nën hetim nga autoritetet.
