Ambasadorja e SHBA në Tiranë, Yuri Kim, ka reaguar pas dekretimit të anëtarit të gjashtë të Gjykatës Kushtetuese, Përparim Kalo, duke e bere këtë gjykatë funksionale.
Nga sot Gjykata Kushtetuese do të jetë funksionale, pasi presidenti Ilir Meta emëroi gjyqtarin e gjashtë, Përparim Kalon.
Kalo është anëtari i gjashtë i Gjykatës Kushtetuese, duke e bërë tanimë këtë gjykatë funksionale dhe duke përmbushur një kërkesë të ndërkombëtare për vënien në funksion brenda këtij viti.
Ndërkohë ambasadorja amerikane Yuri Kim ka përshëndetur duke e quajtur lajm të madh. Kim thotë se me ngritjen e Gjykatës Kushtetuese tashmë Shqipëria ka plotësuar një nga dy kushtet për negociatat.
Postimi
LAJM I MADH: Presidenti Meta ka dekretuar Përparim Kalon si anëtarin e 6 të Gjykatës Kushtetuese. Sapo Kalo të betohet nesër, do të ketë kuorum. 🇦🇱 do e mbyllë 2020 me një GJK funksionale, pas pothuajse 3 viteve pa të. Presidenti, KED & Parlamenti kanë meritat më të mëdha!
Ky ishte rezultati i veprimeve urgjente nga udhëheqësit, në linjë me opinionin e Kom. Venecias. Me një GJK funksionale, 🇦🇱 plotëson kushtet për hapjen e negociatave për anëtarësimin në BE. Ky është një hap gjigand përpara! Urime popullit 🇦🇱! Le të vazhdojmë të ecim përpara!
2/2 This was the result of urgent action by leaders, in line w/Venice Comm opinion. With a functional CC, Albania meets condition for opening negotiations for EU membership. This is a giant leap forward. Congratulations to the people of 🇦🇱! Let’s keep moving forward! https://t.co/XwSDB2mveL
— Ambassador Yuri Kim (@USAmbAlbania) December 23, 2020
