Skiatorja italo-shqiptare Lara Colturi konfirmon formën e shkëlqyer në Botërorin e Skive, duke siguruar vendin e dytë në garën e Slalomit në Gurgl, Austri.

Colturi përfaqëson Shqipërinë dhe e mbylli garën me kohën 1:49.34, vetëm 1.23 sekonda pas fitueses, Mikaela Shiffrin. Vendin e tretë e zuri zvicerania Camille Rast.

Në lëshimin e parë, 18-vjeçarja regjistroi 54.53 sekonda, duke zënë pozicionin e dytë të përkohshëm. Në lëshimin e dytë, ajo përshkoi pistën për 54.81 sekonda, duke ruajtur vendin e saj në podium.

Ky sukses vjen pas performancës së shkëlqyer në Levi dhe shënon një tjetër medalje për Shqipërinë në Kupën e Botës në Ski, duke valëvitur sërish flamurin shqiptar në arenën ndërkombëtare.