Roli i Sarës si kryefermere dhe mënyra e ndarjes së punëve gjatë kësaj jave ka sjellë diskutime të forta mes fermerëve në fermë.
Fillimisht kanë qenë Iliri, Moza dhe Malbora që kanë shprehur rezerva për drejtimin e Sarës. Kritika ka ardhur edhe nga Ola, e cila është shprehur se për të prioritet është kujdesi për veten dhe më pas punët e fermës.
“Më parë lyhet gruaja pastaj shtëpia. Unë prioritet kam veten, më pas punët në fermë. Sara nuk i shikon dot punëtorët e saj të ulur, i do vetëm duke punuar”, ka thënë Ola.
Nga ana tjetër, mbështetje për Sarën ka dhënë Visi, i cili ka deklaruar se ajo e ka kryer më së miri detyrën e kryefermeres dhe nuk ka pasur vërejtje për mënyrën e organizimit të punëve. Edhe opinionistët kanë vlerësuar performancën e saj gjatë kësaj jave.
