Sydney Sweeney dhe Scooter Braun kanë bërë publike lidhjen e tyre, duke ndarë për herë të parë momente së bashku në rrjete sociale.
Aktorja 28-vjeçare, e njohur për rolin në serialin “Euphoria”, postoi në Instagram një seri fotosh nga festivali muzikor Stagecoach, ku shihet krah Braun. Në përshkrimin e imazheve ajo shkroi: “një fundjavë si kauboj”.
Edhe Scooter Braun, 44 vjeç, ka ndarë më herët një foto bardhë e zi me aktoren në rrjetet sociale, duke shtuar sinjale për lidhjen e tyre.
Sipas raportimeve, dyshja dyshohet se është afruar gjatë një eventi në Itali në shtator 2025, në dasmën e Jeff Bezos dhe Lauren Sanchez. Më pas ata janë parë disa herë bashkë, përfshirë edhe në një galeri arti, ku thuhet se janë shfaqur të afërt.
Një burim pranë çiftit ka deklaruar se marrëdhënia mes tyre është serioze dhe e qëndrueshme, duke theksuar se ata janë tashmë në një lidhje të përkushtuar.
