Avokatja e Popullit, Erinda Ballanca, ka deklaruar se janë gjetur disa shkelje nga policia gjatë arrestimit të kreut të Partisë Lëvizja për Ndryshim, Ilir Meta.

Ballanca theksoi se mënyra e ndalimit është kryer në kundërshtim me ligjin, sepse nuk është ruajtur dinjiteti i Metës. Ajo vuri në dukje se këto shkelje nuk lidhen vetëm me rastin e Metës, por do të ishin të njëjta për çdo qytetar në të njëjtat rrethana.

“Jo vetëm në rastin e Metës, por për çdo njeri, do të kishte shkelje, nëse do ndalohej në atë mënyrë,” theksoi Ballanca.

Avokatja e Popullit gjithashtu deklaroi se nuk kishte asnjë justifikim nga ana e policisë për përdorimin e forcave speciale gjatë ndalimit. “Nuk kishte asnjë justifikim nga ana e policisë për përdorimin e forcave speciale,” tha Ballanca.

Ky qëndrim vjen pas reagimeve të shumta mbi mënyrën e kryerjes së arrestimit, duke hedhur dritë mbi respektimin e të drejtave dhe procedurave ligjore gjatë ndërhyrjeve policore.