Forcat e rendit zhvilluan mbrëmjen e sotme një aksion të befasishëm në zonën e Skelës në Vlorë, pas ngjarjes ku një 17-vjeçar humbi jetën, i përplasur nga një automjet tip “Porsche”.

Policia ka ngritur pika kontrolli në hyrje-daljet e zonës, duke ndaluar automjetet luksoze dhe ato me xhama të zinj për verifikim. Kontrolli fokusohet tek personat me precedentë penalë, ata në kërkim dhe qytetarët që mund të mbajnë armë pa leje.

Aksioni pritet të vijojë edhe në pjesë të tjera të qytetit, si pjesë e një operacioni të gjerë për parandalimin e ngjarjeve kriminale dhe forcimin e rendit publik në Vlorë.