Pjerin Ndreu ka reaguar për aksidentin e rëndë në Lezhë, ku humbën jetën mjeku Anton Keçi dhe vajza e tij 20-vjeçare, Bora Keçi.

Ai e ka cilësuar ngjarjen si një humbje të madhe që ka prekur thellë komunitetin, duke shprehur ngushëllime për familjarët dhe të afërmit e viktimave.

Sipas Ndreut, aksidenti ka sjellë dhimbje të madhe për të gjithë ata që e njihnin doktor Anton Keçin dhe vajzën e tij, e cila studionte në fushën e mjekësisë.

Kryebashkiaku ka shprehur gjithashtu solidaritet me bashkëshorten, djalin dhe prindërit e viktimave, duke theksuar se kjo është një nga ngjarjet më të rënda që ka prekur zonën.