Aktori irlandez Barry Keoghan ka folur për herë të parë mbi thashethemet që e kanë shoqëruar gjatë lidhjes dhe ndarjes së tij me këngëtaren Sabrina Carpenter në fund të vitit 2024.

Në një intervistë në podcast-in “Friends Keep Secrets”, ai u ndal te presioni publik dhe mënyra se si është trajtuar në media dhe rrjete sociale, duke theksuar se për një kohë të gjatë ka zgjedhur të mos reagojë ndaj zërave për tradhti.

“Nuk u konfirmua kurrë nga unë, por unë thjesht u zhduka,” u shpreh Keoghan, duke lënë të kuptohet se vendosi të distancohej nga vëmendja publike për shkak të situatës.

Ai i cilësoi thashethemet për tradhti si të pavërteta, duke shtuar se nuk dëshiron të përfshijë persona të tjerë në këtë histori dhe se jeta private shpesh deformohet kur del në sytë e publikut.

Deklaratat e tij kanë rikthyer diskutimet në rrjete sociale mbi ndarjen e çiftit dhe ndikimin që fama dhe spekulimet mediatike kanë në marrëdhëniet personale.