Një ngjarje e rëndë dhe tronditëse është regjistruar në Meksikë, ku një 63-vjeçare ka qëlluar për vdekje me 6 plumba nusen e saj brenda banesës familjare.

Sipas mediave lokale, në momentin e ngjarjes në shtëpi kanë qenë edhe djali i autores së dyshuar dhe një foshnje 8 muajshe, duke e bërë situatën edhe më dramatike. Pas krimit, autorja është larguar nga vendngjarja dhe aktualisht është në kërkim nga autoritetet, të cilat po vijojnë operacionet për kapjen e saj.

Raportohet se konflikti mes tyre ka pasur motive familjare. Sipas dëshmive të para, gruaja e moshuar i ka thënë djalit të saj se nusja “i kishte marrë dashurinë”, duke iu referuar marrëdhënies me të birin, pak çaste pasi ka kryer aktin e rëndë.

Ngjarja ka shkaktuar reagime të forta në opinionin publik, ndërsa policia meksikane ka nisur hetimet për zbardhjen e plotë të rrethanave dhe motivit të krimit.