Papa Françesku ka përshëndetur armëpushimin e arritur në Rripin e Gazës mes Izraelit dhe grupit militant Hamas, duke e quajtur këtë një hap të rëndësishëm për paqen. Gjatë lutjes së tij të dielën, ai ka shprehur mirënjohjen për të gjithë ndërmjetësuesit që kontribuan në këtë marrëveshje dhe kërkoi që të respektohet nga të dyja palët.
“Shpreh mirënjohjen time për të gjithë ata që kanë ndërmjetësuar dhe për të gjithë palët e përfshira në këtë rezultat të rëndësishëm,” tha Papa Françesku. Ai theksoi se shpreson që të gjithë pengjet të kthehen në shtëpitë e tyre dhe të përqafojnë të dashurit e tyre. Gjithashtu, ai kërkoi që ndihma humanitare të arrijë sa më shpejt tek njerëzit që kanë nevojë urgjente në Gaza.
Papa Françesku apeloi për një zgjidhje paqësore dhe të qëndrueshme për të dy shtetet, duke theksuar se të dyja palët, izraelitët dhe palestinezët, kanë nevojë për shenja të qarta shprese. Ai u bëri thirrje autoriteteve politike të të dyja palëve, me ndihmën e bashkësisë ndërkombëtare, që të arrijnë një marrëveshje të drejtë.
Është njoftuar se armëpushimi i Gazës do të hyjë në fuqi të dielën. Shpreh mirënjohjen time për të gjithë ndërmjetësuesit. Është një punë e mirë të ndërmjetësosh, që të arrihet paqja. Falënderoj ndërmjetësit dhe të gjitha palët e përfshira në rezultat të rëndësishëm. Unë shpresoj se do të respektohet nga palët dhe se të gjithë pengjet më në fund do të jenë në gjendje të kthehen në shtëpi për të përqafuar të dashurit e tyre. Unë gjithashtu shpresoj se ndihma humanitare do të arrijë tek njerëzit e Gazës, të cilët kanë nevojë kaq urgjente. Si izraelitët ashtu edhe palestinezët kanë nevojë për shenja të qarta shprese. Shpresoj që autoritetet politike e të dyja palëve, me ndihmën e bashkësisë ndërkombëtare, mund të arrijë zgjidhjen e duhur për të dy shtetet. Shpresoj që të gjithë mund të thonë po për dialogun, po për pajtimin, po për paqen. Dhe ne lutemi për atë, për dialog, pajtim dhe paqe
Në përfundim, Papa inkurajoi të gjithë të thonë po për dialogun, pajtimin dhe paqen, duke u lutur për një të ardhme më të ndritshme dhe paqësore për të gjithë.
