36.5 C
Tiranë
Saturday, June 22, 2024
spot_img

PEJË / Plagoset me armë zjarri nipi i Ramush Haradinaj, plumbat kapin edhe një kalimtar

Dy persona janë plagosur sot në Pejë afër fakultetit të Biznesit, ndërsa i dyshuari është ende në arrati.Njëri nga të plagosurit mësohet se është familjar i kreut të AAK-së, Ramush Haradinaj.

Mediat kosovare raportojnë se i plagosuri Ahmet Xhekaj është nip i familjes Haradinaj.Apo ndryshe, i plagosuri është nipi i Hilmi Haradinajt, babai i ndjerë i Ramush Haradinajt.

Zëdhënësi i Prokurorisë Themelore në Pejë, Shkodran Nikçi, ka raportuar gjatë ditës  se janë ndërmarrë të gjitha veprimet e nevojshme për kapjen e të dyshuarit.

“Prokurorja e Krimeve të Rënda ka dalë ne vendin e ngjarjes pas të shënave me armë zjarri në Pejë. Janë duke u ndërmarrë të gjitha veprimet për kapjen e personit të dyshuar”, tha Nikçi .

Sipas mjekëve, të plagosurit ndodhen jashtë rrezikut për jetën, ndërsa njëri prej viktimave ishte kalimtar i rastit.

Zëdhënësi i Policisë për Rajonin e Pejës, Fadil Gashi ka konfirmuar:

“Rreth orës 12:20, në afërsi të fakultetit të Biznesit në Pejë, janë plagosur dy persona, njëri nga ta kalimtar i rastit. Të dy janë derguar në spital dhe ndodhen jashtë rrezikut për jetën. Njësitët kompetente po merrem me trajtimin e rastit, akoma nuk ka informacione për ndonjë të arrestuar”, ka thënë Gashi.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT